Maharashtra assembly speaker atan Rahul Narwekar

Maharashtra Assembly thara speaker turin BJP MLA, Colabad bialtu Rahul Narwekar chu a ṭum hnihna atan chuhtu awm loin nimin, Thawhṭanni khan thlan nawn a ni.

Narwekar hian Pathianni khan Speaker chuh tur hian BJP kaihhruai Mahayuti ṭangrual pawl hmangin nomination a thehlut a, eptu ṭangrual pawl, Maha Vikas Aghadi-I.N.D.I.A lamin nomination hi an theh lut ve lo.

Chuhtu dang an awm loh avanga Assemby Speaker atana thlan nawn a nih hnuah, chief minister Devendra Fadnavis chuan Narwekar hi lawmpuina hlanin, a zawna Speaker term hnih a chelh theih tur chu a lawmpui thu a sawi. CM chuan eptu lamin Narwekar an thlawp vangin lawmthu a sawi nghal bawk.

Narwekar hi Vikas Aghadi sorkar paihthlak a nih hnuah July 3, 2022 khan Assembly speaker atan thlan tlin a lo ni tawh a ni. Thiamna lamah lawyer niin a pa hi Suresh Narweka, Mumbai municipal-a councillor ṭhin niin a unaupa Makarand Narwekar pawh hi Ward No 227 a corporator ṭum hnih lo ni tawh a ni. A farnu Harshata Narwekar pawh hi Ward No 226 ah corporator a lo ni ve tawh a ni.