Ram temple sawichhuak turin PM phut

Shiv Sena chuan Prime Minister Narendra Modi chu thla tina radio-a hun a hman ṭhin, 'Mann ki Baat'-ah Ayodhya-a Ram temple sak tum chungchang a sawichhuah a hun tawh a ni, a ti.

Rajya Sabha MP Vinay Katiyar chuan Nilaini khan Modi-a kaihhruai sorkar hian Supreme Court thupek nghak kher loin, Ram temple chungchang hi inbiakna emaw, dan hmangin emaw a tihfel a ngai a ni tiin a lo sawi tawh a ni.

Shiv Sena chuan, "Inthlanpui neih dawn khan, Muslim-te chu vote zawnna atana hman an ni a, chutiang bawkin Hindu-te tihlawmna atan Ram Mandir chungchang hi an hmang bawk. Mahse inthlan a zawh hnuah hengte hian ngaihven zui an hlawh lo a, mahse tunah chuan ram mipuite hmaaah PM Narendra Modi chuan a sawichhuah a hun tawh a ni," a ti.