Parliament session neih thuai phut

Union minister hlui leh Congress MP Manish Tewari chuan loneitute thil phut chungchang ngaihtuah a nih theihna atan a rang thei anga Parliament winter session buatsaih turin sorkar laipui a nawr. 

Manish Tewari chuan, "Loneitute nawrh huaihawt avangin Delhi khawpuiin harsatna a tawk mek a, hripui leng avangin ram economy dinhmun a tlahniam zel. Hetihlai hian China chu kan ram square km 1,000 chuangah a rawn lut chhunzawm zel a, Covid-19 vangin mi nuai tel an thi tawh bawk. Sorkar hian tikhawtlai loin Parliament Winter Session hi a buatsaih thuai a ṭul a ni," a ti.