Eptu-ten Parliament complex-ah lungawi lohna lantir chhunzawm

Eptu partyMP eng emaw zat chuan nimin Thawhlehni khan Parliament complex-ah Adani Group buaina chungchangah lungawi lohna lantirin an pungkhawm leh.

Parliament complex-a pungkhawmte hian ipte dum 'black jholas' tih chu an kengin bag-ah hian PM Modi leh billionaire Gautam Adani thlalak, 'Modi Adani Bhai Bhai' tih ziak a chuang a ni.

He lungawilohna lantirna hi Congress bul tum niin nimina lungawi lohna an lantir naah pawh hian Lok Sabha Leader of Opposition Rahul Gandhi, Congress General secretary Priyanka Gandhi Vadra, leh Congres MP hrang hrang te, DMK, JMM, bakah left party MP eng emaw zat an tel a ni. Congress kaihhruaina hian Parliament ṭhutkhawm neih ni apiang hian lungawilohna hi lan tir ṭhin a ni bawk.

Eptu MP te hian auhla te neiin Modi leh Adani inkara thawhdunna awm ni ngeia an hriat thu an sawi a, Adani chungchangah hian Joint Parliament Committe chu chhui chianna thawk turin an phut a ni. Nimina he thil thlen hma pawh hian INDIA bloc hruaitu leh Rahul Gandhi te hi lungawi lohna hi lan tirin an lo pungkhawm tawh bawk a, heta pungkhawm leh nimin a pungkhawm te thil ngiat hi thuhmun reng niin a hmuh theih.

Heng puhna leh demna hrang hrangte hi Adani group lam chaun rintlak tawk lo leh awmze nei lo mai a nih thu in an chhang ve thung.