RBI Governor thar atan Sanjay Malhotra

Cabinet Appointment Committee chuan Thawhṭanni, December 9, 2024 khan Reserve Bank of India (RBI) Governor thar atan Revenue Secretary Sanjay Malhotra a ruat. Malhotra hian vawiin, December11 aṭang hian a hna hi a zawm nghal dawn a, kum thum chhung a thawk ang.

Malhotra hi RBI Governor 26-na niin nimina chawl ta, Shaktikanta Das a thlak dawn a ni. 1990 Indian Administrative Service(IAS) batch niin Indian Institute of Technology(IIT) Kanpur aṭanga computer science zirchhuak a ni a, Princeton University, United States aṭangin Master in Public Policy a zir chhuak bawk.

RBI Governor thar hian kum 33 zet hna a thawh chhung hian power, finance and taxation, information technology, mines, leh sector hrang hrang ahte hna thawk tawhin tunah hian hian Ministry of Finance-ah Secretary of Revenue a chelh mek a ni. Malhotra hian finance leh taxation lamah hian state leh central sorkar hnuaiah hnuhma ṭha tak nei tawhin Revenue Secretary hna a thawh chhung pawh hian tax policy duan kawngah nasa takin a thiamna te hi chhawr ṭangkai a ni.