Statue of Unity ticket hralhna Rs vbc 5.25 tichingpen

Gujarat-a Naramad district-a Sardar Vallabhbhai Patel lim, Statue of Unity tlawhtute hnena ticket hralhna aṭangin cheng vaibelchhe 5.24 tihchingpen nia sawiin Narmada police-ah complaint thehluh a ni. 

Police-te chuan complaint thehluh a nih hnuah Statue of Unity management-a thawktu ṭhenkhat lakah thubuai an ziaklut nghal a ni. Kum 2018, October thlaa hawn, Statue of Unity hi tlawhtu an tam thei hle. Coro­navirus a len hma khan ni khatah tlawhtu hi nitin mi 13,000 vel an awm ṭhin. 

He lim tlawhtute ticket  leina man hi Vadodara-a private bank-in a chhawr, cash collection agency hnenah hlan a ni ṭhin. Mahse he agency hnuaia staff ṭhenkhat chuan bank account-a sum dahluh tur zinga Rs 5,24,77,375 zet an dah lut tel lo tih DSP Vani Dudhat chuan a sawi. Hei vang hian IPC section  420 (cheating), 406 (criminal breach of trust) leh 120-B (criminal conspiracy) hnuaiah thubuai ziahluh nghal a ni a, man erawh an la nei lo.