Jaya-in cheng vbch 117.13 hû a nei

Tamil Nadu Chief Minister J Jaya­lalithaa-in Radhrakrishnan Nagar as­sembly constituency-a June 27-a by-election neih tur chuh tuma nomination a thehluhah a thil neih zat a tarlan chu cheng vaibelchhe 117.13 a tling.

Kum 2011-a assembly inthlan neih dawna Jaya-in a thil neih hlut zawng a thehluh chu cheng vaibelchhe 51.40 a ni.

Kar kalta Zirtawpnia nomination a thehluha a thil neih zat a tarlanah, khawi chet theih cheng vaibelchhe 45.04 hû leh khawih chet theih loh cheng vaibelchhe 72.09 a nei a ni. A thil neih zingah hian square foot 24,000-a zau, Poes Garden-a a in Veda Nilayam a tel a, hei hi cheng vaibelchhe 45.96 man nia chhut a ni. Affidavit-a a tarlan danin he hmun hi kum 1967, July thla khan Jaya-i leh a nu in cheng nuai 1.32 in an lei a ni.

Tamil Nadu CM hian commercial building pali a nei a, hei bakah hian Hyderabad-ah ram, acre 14.50-a zau a nei bawk. Motor pakua a nei a, an hlutzawng hi cheng nuai 42.25-a chhut a ni. Tlereuh gram 21,280.300-a rit a neih chu thubuai a neih vangin Karnataka sorkar kuta a awm mek a, a hlut lam chhut tel a ni lo. Heng bakah hian silver kg 1,250-a rit a nei a, a hlut lam hi Rs 3,12,50,000 a ni.