PM-in Vajpayee-a award a dawnsak

Ni hnih chama Bangladesh-a zin, Prime Minister Narendra Modi-a chuan Bangladesh-in Prime Minister hlui, Atal Bihari Vajpayee-a hnena chawimawina, Award of Liberation War Honour a hlan chu nimin khan Dhaka-a inkhawm buatsaihah a dawnsak.

Banga Bhaban-a Bangladesh Pre­sident Abul Hamid-a kut aṭangin Vaj­payee-a hnena award hlan tur hi PM Modi chuan a dawng a ni. Vajpayee hi a hriselna a ṭhat tawk loh avangin a zin thei lo a ni. Modi chuan Vajpayee chu amah chauh ni lo, midang tam tak chawk phurtu leh fuihtu ropui tak a nih thu a sawi.

Nimin tlai khan PM hian Banga­bandhu International Conference Cen­tre-ah India mite hun a hmanpui a, a cham chhung hian Bangladesh ram hruaitu hrang hrangte bakah, sumdawng aiawhte pawh a kawm.

Inrinni khan India leh Bangladesh chuan ram inthlengna tur, Land Boun­dary Agreement an ziakfel a, hei bakah hian Bangladesh nena thawhdunna tur inremna thuthlung 22 ziah a ni bawk. Inremna an siam zingah hian sumdawnna leh transport link tihlenna tur te, rail project siamna turte a tel.