RJD-JD(U) thawhdunna tur tifel CM candidate atan Nitish Kumar

Kumin kumtawp lama Bihar As­sembly inthlan neih turah Rashtriya Janata Dal (RDJ) party leh Janata Dal (United) chuan seat insem leh Chief Minister candidate turah inhriatthiam lohna an nei nia sawi ni mah se, party pahnihte hian an thawhdun tur thu leh, CM candidate atan pawh Bihar Chief Minister ṭang­lai, JD(U) hruaitu Nitish Kumar hman a ni dawn tih nimin khan an puang.

Samajwadi Party (SP) hotu, Mula­yam Singh Yadav chuan RJD hotu, Lalu Prasad Yadav awm laiin RJD-JD(U) chief minister candidate tur hi a puang a ni.

Lalu chuan, "BJP hneh ngei turin kan ṭang­ho zel dawn a, Ni­tish Kumar nen hian in­hriat­thiam lohna kan nei lo. Inthlanah hian ka chuh thei dawn lo a, hei vang hian CM candidate ka ni thei lo a ni," a ti. JD(U) nena thawhdun an tum chu Congress party pawhin a thlawp tih a sawi bawk.

Bihar Assembly inthlan hi Sep­tem­ber-October vel hian neih a nih rin a ni.