Indian mi 75 Syria aṭangin hruai chhuah an ni

Syria tualchhung indona a chhuah avangin Syria rama India mi awm zinga mi 75 te chu hruai chhuah an ni a, him takin Lebanon an thleng tawh niin External Affairs Ministry chuan Thawhlehni zan khan an tarlang. Heng mite hian commercial flight hmangin India an rawn pan ang.

Ministry-in a tarlan danin heng hruai chhuah zingah hian Jammu and Kashmir aṭanga 'zaireen'(pilgrims)-a kal, Saida Zainab a tangkhang mek 44 te an tel. Syria ramchhung buaina avanga venhimna te a tlakhniam zel avangin India mi leh sa te chu Damascus leh Beirut-a embassy awm te hmalakna hmanga hruai chhuah an ni tih a sawi bawk.

Syria rama India mi tangkangte chu Damascus-a Indian embassy biakpawh tum turin hriattirna tih chhuah ani a, embassy thurawn ngaichang reng turin an ti a ni. Syria-ah hian Hayat Tahrir al-Sham helpawlin Pathiannia an ram khawpui, Damascus an lak hnuah khan ramchhung himna tlakhniam zel hlauhthawnna avangin India mi awmte pawh hriattirna hi pek an ni. Syria president Bashar al-Assad leh a chhungte chu sahimna zawngin Russia-ah an tlanchhe tawh a ni.