India-in Russia nena thawhdunna thuk zawk neih a tum: Rajnath Singh

Russia rama cham mek, defence minister Rajnath Singh chuan India-in Russia nena thawhdunna thuk zawk neih a tum tih a sawi.

Rajnath Singh leh Russia defence minister Andrey Belousov-te chuan an inkawmnaah venhimna thawh kawnga ram pahnihte inkar tih hmasawnna tur leh thuk lehzuala hna an thawh theih dan tur hrang hrangte bakah hmalak ngaihnate an sawidun. Hruaitu pahnihte hian 21st India-Russia Inter-Governmental Commission on Military & Military techical Cooperation (IRIGG-M&MTC) an kaihruai dun bawk. Russia nena an thawh dun zel tur thu Singh hian sawiin,"tualchhung politic leh mimal leh pawl aṭanga nawr na te awm mah se, India chuan Russia nena thawh dunna thuk zawk neih a tum" niin a sawi a ni.

Belousov pawhin India-Russia military technical cooperation 2021-31 an neih chu 'Make in India' hmanga nasa taka hma a sawn thu a sawilang ve bawk.

Singh hian Defence Minister a kawm zawh hian Russia president Vladimir Putin nen Kremlin-ah meeting an nei leh a ni. Sing chuan ralthuam an lei S-400 air defence system tih khawtlai chungchang sawi chhuakin, Putin hian 2025 chhunga in hlan hman ngei an tum thu a lo hrilh. "Ram pahnih te inkar ṭhianṭhatna chu tlang sangber aia sang zawk leh tui thuk ber ai pawha thuk zawk a ni" tiin a sawi lang.

India hian Russia hnenah hian ralthuam leina tura inremna an lo neih tawhnate a sawi lang. An ralthuam lei tur zingah hian S-400 longrange air defence system leh Krivak class stealth frigates leh spares te chu February 2022 aṭanga Ukraine nen a indona an tawh vangin Russia hian a la hlan chhawng thei lo a ni.