RSS hotu hnenah Z-plus security pe

Rashtriya Swayamsewak Sangh (RSS) hotu, Mohan Bhagwat chu ramchhunga venhimna pek san theih ber, Z-plus security pek a ni dawn.

Z-plus security pek a nih avang hian RSS hotu hi Nagpur-a RSS headquaters bakah ramchhunga a zinna hrang hrangah pawh CISF special security group commando-te'n an veng zel tawh ang.

Home Ministry official chuan RSS hotu hnena Z-plus security pek rawtna hi UPA sorkar lai, kum 2013 khan rawt a ni tawh tih a sawi a, mahse CISF lamin venhimna hi an pe duh lo a ni. Mahse inbiakna mumal taka neih anih hnuah, Ministry of Home Affairs chuan central force-te ventir tur hian thutlukna a siam ta a ni.

CISF Special Security Group com­mando 60 velin Bhagwat hi chhun zan zawmin an veng dawn a, commando unit-te hi ralthuam ṭha leh tunlai bera thuam an ni ang.