IIT-in zirlai pawl a hnawlna a sut

Indian Institute of Tech­nology Madras (IIT-M) chuan Prime Minister Narendra Modi leh a policy-te an sawisel avanga zirlai pawl, Ambedkar Periyar Study Circle (APSC) a hnawlna chu nasa taka sawisel a, zirlaite'n lungawi lohna an lantir hnuah Pathianni khan a sut leh.

APSC aiawh leh IIT-M dean chuan Pathianni khan meeting an nei a, hetah hian inremna siamin APSC hnawlna chu sut a, advisor atana Professor Milind Brahme ruat an rel. Dan pawna APSC hnawlna sut a nih hnu hian IIT-M campus-a zirlaite'n lungawi lohna an lantir pawh tihtawp nghal a ni.

APSC-in PM Modi leh a policy an sawisel chungchanga an hnena complain an awm thu hi IIT-M chuan Human Resourse Development ministry aṭangin a dawng a, HRD ministry aṭanga complain a dawn hnu hian institute thuneitute chuan APSC a pawmpuina chu a hnawlsak nghal a ni. IIT-M thuneitute thiltih dan hi zirlaite chuan sawiselin, APSC a hnawlna chu sut leh turin an phut a, IIT hrang hrang pawhin APSC an thlawpna lantirin an campus-ah lungawi lohna an lantir bawk.