School-a Yoga compulsory-a dah tumna dodal dawn

All India Muslim Per­sonal Law Board (AIMPLB) chuan BJP kaih­hruai sorkar lapuiin June 21-a International Yoga Day hlawhtling taka hman a tumna leh, ramchhung zirna school hrang hranga 'Surya Namaskar' leh Yoga-te compulsory-a dah a tumna chu a dodal dawn.

AIMPLB member, Maulana Khalid Rashid Farangi Mahali chuan Maualna Wali Rahmani kaihhruaiin committee an din thu leh, he committee hian zirlai naupangte zir ngei ngei tura sorkarin Surya Namaskar leh Yoga dah a tumna chu rampum huapa dodalna campaign neih an tum thu a sawi.

Mahali chuan, "Surya Namaskar leh Yoga te hi Muslim tan chuan ka rin dan kalh a ni a, hei vang hian kan fate chu zir leh hman luihtir an ni tur a ni lo," a ti. Yoga dodalna campaign an neih turah hian sakhaw dang betute pawh tel tura an sawm tur thu a sawi bawk.