Indian Coast Guard aircraft chin hriat lohin a awm

Indian Coast Guard thlawh­theihna, Donier aicraft chu Thawhṭanni zana Chennai aṭanga a thlawhchhuah hnuah a chin hriat lohin a awm. Thlawh­theihnaah hian mi pathum an chuang.

Aircraft hi Thawhṭanni tlai dar 5.30 khan Chennai aṭangin a thlawk chhuak a, Chennai aṭanga mel 95 vela hlaa awm laiin biak pawh theih lohin a awm zui ta a ni. An biakpawh hnuhnun ber chu zan dar 9 vel a ni.

Ministry of Defence thu­puangtu, Sitanshu Kar chuan aircraft hi chin hriat lohin a awm tih sawiin, a khalhtute pawh tawnhriat nei ṭha tak an ni tih a sawi.

Coast Guard leh Navy-te chuan aircraft bo hi an zawng nghal a ni.