CVC atan Chowdary leh CIC atan Sharma-te ruat an ni

Hun rei tak tih­khaw­tlai a nih hnuin Cen­tral Vigilance Commis­sioner atan Central Board of Direct Taxes chair­man hlui KV Chow­dary chu ruat a ni ta a, Chief Information Commis­sioner atan Vijai Sharma ruat a ni bawk.

KV Chowdary hi Indian Revenue Sevice offi­cer hlui a ni a, black money chungchang chhui tura Supreme Court-in a ruat, Special Inves­tigation Team-ah adviser a ni tawh bawk.

CIC thar Vijai Sharma hi Environment Sec­retary hlui a ni a, kum 2012 aṭang khan Cen­tral Information Com­mission-ah hian Infor­mation Com­missioner hna a thawk tawh a ni. December 2-ah kum 65 a tling dawn a, a hna thar hi thla ruk chhung a chelh thei dawn a ni.

CVC leh CIC hi hun rei tak hnawhkhah lohin dah a ni a, thla hmasaa Lok Sabha inkhawmah hemi chungchang hi Congress President Sonia Gandhi chuan sawichhuakin, Prime Minister Narendra Modi-a kaihhruai sorkar chu heng post pahnihte hi ngai pawimawh tawk loah a lo puh. RTI activist-te pawhin post hnawhkhah a nih loh chhan hi vawi tam tak an zawt bawk.

Kar hmasa khan PM Modi-a kaihhruai panel chuan CVC leh CIC thar tur hi an ruat fel ta a ni.