IAS leh IPS-ah post ruak a tam : Union Minister

Union minister Jitendra Singh chuan Ningani khan Rajya Sabha-a zawhna, ziaka a chhannaah Indian Administrative Service (IAS) ah post 1,316 leh Indian Police Service (IPS) ah post 586 ruak a awm thu a tarlang.

January 1, 2024-a IAS post awm thei zat 6,858 aṭangin post 5542 hnawh khah a ni. IAS post ruak awm mek, 1,316 zinga post 794 hi direct recruitment tan niin, post 522 hi promotion post tan a ni.

IPS post hi 5,055 awm mekin post 4,469 hnawh khah a ni. IPS post ruak awm mek 586 aṭanga post 209 hi direct recruitment tan niin, promtion post tan 377 a awm bawk niin Minister chuan a tarlang.

Indian Forest Service (IFS)-a post 3,193 awmah post 2,151 chu hnawh khah a ni a, post ruak 1,042 awmin post 503 chu direct recruitment atan niin a dang 539 hi promotion post tan a ni.

Minister hian zawhna a chhannaah hian General, Scheduled Castes (SCs), Scheduled Tribes (STs) leh Other Backward Classes (OBCs) aṭanga kum nga kalta chhunga IAS, IPS leh IFS appointment siam a nih dan kimchang pawh a sawilang bawk. Data-a a lan danin, 2022 UPSC CSE Exam-ah khan IAS-ah General aṭangin mi 75, OBC 45, SC 29, leh ST aṭangin mi 13 an lut. IPS-ah General 83, OBC 53, SC 31, leh ST 13 lak niin, IFS post bik ah hian 2024 khan General 43, OBC 51, SC 22 leh ST 11 chu lak an ni leh bawk.