Priyanka Gandhi'n 'Bangladesh' inziahna bag ak leh

Congress party hruaitu leh Lok Sabha MP, Priyanka Gandhi Vadra chuan Thawhṭannia Parliament-a 'Palestine' tih inziahna bag a ah hnuah, nimin khan 'Bangladesh' tih ziak chuanna bag a ak leh.

Priyana Gandhi Vadra hian Palestinian mipuite tawrhna a tawrhpuina lantirna atan leh, Gaza Strip-a indona thleng mek tihtawp a phutna lantirna atan Thawhṭanni khan 'Palestine' tih ziakna bag hi a ak a ni. Nimin khan Bangladesh-a sakhaw tlem zawkte beihna leh tawrhna thleng mek chungchang pho lanna turin 'Bangladesh' tih ziahna bang hi a ak lehin, Hindu leh Kristiante tan an ding tihte a inziak.

Thawhṭannia Lok Sabha rorel inkhawma Zero Hour-a thu a sawiah, Priyanka Gandhi hian sorkar laipui chu Bangladesh-a hnam leh sakhaw tlem zawkte beihna leh tawrhna thleng mek chu sawichhuak tur leh, Hindu leh Kristiante himna tur chungchang chu Bangladesh sorkar sawipui turin a lo ngen tawh bawk.