Land Bill-ah state ngaihdan la dawn

Sorkar laipuiin Land Ac­quisition Bill a siam dang­lam tum dan chu eptu party hrang hrangte'n an sawisel avangin Par­liament-ah pass a la ni lo a, Joint Com­mittee of Parlia­ment kutah dahin mon­soon session ṭanni-a report thehlut tura tih a ni.

Committee chuan bill siam dang­lam tum dan chungchangah state hrang hrangte ngaihdan lak a tum. Committee chair­man, SS Ahluwalia chuan state sorkarte ngaihdan la tura phalna a dil chu Lok Sabha spea­ker Sumitra Mahajan-in a remtih tawh thu a sawi bawk.

State sorkar hrang hrang hnenah hian Land Bill siam danglam chung­changah an ngaihdan zawt­in, questionnaire sem an ni dawn a ni. Committee hian Bill leh loneitute a nghawng theih danah agri­culture lama mithiam MS Swa­minathan leh Anna Hazare ngaihdan lak a tum bawk.