Sorkarin OTT platform 18 a block

Sorkar laipui chuan OTT paltform 18 chu thil mawi tawk lo leh mipui nawlpui hmuha him lo tur an tih chhuah avangin a block tih a sawi.

Nilainia Lok Sabha rorel inkhawma Shiv Sena-UBT member, Anil Desai zawhna a chhannaah, union minister of state for information and broadcasting, L Murugan chuan IT Rules, 22021 hmangin March 14,2024 khan OTT platform 18 te block an nih thu a sawi.

Minister chuan IT Rules, 2021-ah digital media, YouTube news channel pawh huam vekin, leh online curated content (OTT platform)-a news leh current affairs ti chhuaktu, publisher ten an zawm tur, Code of Ethics a awm thu a sawi. Publisher-te chuan Press Council of India in 'Norms of Journalistic Conduct' a siam leh, Cable Television (Network Regulation Act, 1995) hnuaia Programme Code chu an zawm a ngai a ni, a ti.

IT Act chuan sorkar laipui chu India ram himna leh inpumkhatna bakah venhimna lam te, ram dang nen an inṭhianṭhatna ti derthawng thei thil tih chhuahte dang turin sorkar agency emaw intermediary emaw hriattir turin thuneihna a pe a ni.