Dornier Aircraft chin hriat lohin a la awm

Thawhṭanni zana Tamil Nadu-a chin hriat loha bo, Coast Guard thlawhtheihna, Dornier surveillance aircraft chu nimin thleng khan chin hriat lohin a la awm a, a zawng tur hian nimin khan tuihnuai lawng chu Tamil Nadu lamah tirh a ni.

Dornier aircraft hi tuihnuai lawng leh Sound Navigation And Ranging (SONAR) technology hmanna, specialised lawng pahnih hmangin tuihnuaiah zawn an ni ang.

Navy leh Coast Guard-te chuan Karaikal leh Chennai inkar, tuipui kama kilometre 125 bialah thlawhtheihna bo hi an zawng a, a zawn hna hi Coast Guard leh Indian Navy lawng 15-te'n an thawk mek a ni.

Thawhṭanni tlai khan mi pathum chuanna, Dornier aircraft hi Chennai aṭangin a thlawk chhuak a, Chidambaram tuipui kam chhak lam, kilometre 16 vela hlaa a awm laiin biak pawh theih lohin a awm a ni. He surveillance aircraft hi a tihdan phung pang­ngai anga Tamil Nadu tuipui kam leh Palk Bay-te enfiah tura thlawk chhuak a ni.

Aircraft hi Depu­ty Commandant Vidyasagar-a'n a khalh a, co-pilot Deputy Commandant MK Soni leh Navigator Deputy Commandant Subash Suresh-te an chuang bawk.