Loneitute ṭanpuina turin loan pe dawn

Cabinet Committee on Economic Affairs chuan loneitute ṭanpuina turin sugar industry tan soft loan, cheng vaibelchhe 6000 pekna tur a pawm.

He loan hmang hian sugar mills-te'n fu chingtu, loneitute hnena an leibate an rul thei dawn a, leiba tlingkhawm hi cheng vaibelchhe 21,000 a tling tawh a ni.

Loan latute hian a kum khatnaah a pung an rulh a ngai lo ang.

Fu tharchhuah tam zel vang leh, a demand a tlakhniam avangin sugar mills te'n fu an leina man pek kawngah harsatna an tawk nasa hle a, hei vang hian sorkar laipui hnenah kawng ngaihtuahsak turin an ngen a ni. Cabinet-in sugar industry puihna tura thutlukna a siam hi fu chingtute'n an hlawk­pui ber dawn a ni.

Kumin chhunga fu aṭanga thil siamchhuah hi kum hmasa lam aiin ton nuai 40 velin a pun rin a ni a, hetihlai hian chini man hi international market-ah kum ruk chhunga a hniam lai ber a ni thung.