Delhi Home Secretary sawn tumna Home Ministry-in a cancel

Delhi-a rorellai, Aam Aadmi Party (AAP) sorkarin Home Secretary Dharm Pal a sawnna thupek chu Delhi Lieutenant Governor Najeeb Jung chuan a lo hnawlsak tawh a, nimin khan Union Home Ministry chuan Delhi sorkar thupek hnawlna hi a nemnghet ve leh.

Home Ministry chaun Delhi sorkar hian Dharam Pal sawnna tur hian thuneihna a nei lo a, Home Ministry chauhin thuneihna a nei a ni, a ti.

Pal hian LG thupek angin Anti-Corruption Branch (ACB) hotu tur atana Joint Commissioner of Delhi Police MK Meena ruatna thupek a tichhuak a, hetihlai hian Delhi CM Arvind Kejriwal chuan ACB hotu atan SS Yaadav dah a duh thung. Hei vang hian Pal hi Delhi sorkar chuan sawn a tum ta nia sawi a ni.

Arvind Kejriwal chuan nimin khan Union Home Ministry hi lehkha thawnin, Delhi sorkar hnuaia hnathawkte sawnkual an nihnaa inrawlh tawh lo turin a ngen. Kejriwal chuan ram danpui leh GNCT Act hmangin Delhi sorkar chuan senior officer-te chu additional charge emaw, temporary charge emaw pe turin dikna a nei a ni, a ti.