ONOE ngaihtuahnaa tel tur Rajya Sabha MP 12 thlang

Rajya Sabha chuan nimin, Zirtawpni khan One Nation One Election (ONOE) neih rawtna bill pahnih chungchang zirchiang tura Joint Parliament Committee dina Rajya Sabha aiawh tur MP 12 te chu voice vote hmangin an thlang chhuak.

Nimina rorel inkhawm ṭan veleh, house Chairman Jagdeep Dhankar chuan union law minister Arjun Ram Meghwal chu panel-a Rajya Saba member ruat turte nominate-na tur motion pu lut turin a ngen. Hemi hnu hian Meghwal chuan joint committee-a tel tur hian mi 12 an thlang a ni. Chungte chu BJP aiawhin Ghanshyam Tiwari, Bhubaneshwar Kalita, Dr. K Laxman leh Kavita Paridar te niin, JD(U) aṭangin Sanjay Kumar, Congress aṭangin Randeep Singh Surjewala leh Mukul Wasnik, TMC aṭangin Saket Gokhale, DMK aṭangin P wilson, AAP aṭangin Sanjay Sing, BJD aṭangin Mana Ranjan Mangaraj leh YSRCP aṭangin V Vijaisal Reddy te an ni.

Lok Sabha-ah pawh committe member tur mi 27 te rawtna motion put luh a ni bawk. Joint Parliament Committee-ah hian member 39 an awm ang.

ONOE bill hi tunkar Thawhlehni khan Lok Sabha ah pharh niin amend a nih hma in joint committee ngaihtuah tura dah a ni. He bill hi pawm a nih chuan rampumah a rual khata inthlana neih a ni dawn a, Lok Sabha leh Assembly inthlan te a rual veka buatsaihna tur a ni.