Union minister hlui, MNREGA architect Raghuvansh a thi

Union minister hlui leh Rashtriya Jatana Dal (RJD) veteran Raghuvansh Prasadh Singh chu nimin khan kum 74 mi niin New Delhi-a AIIMS-ah a thi. 

Raghuvansh hi Congress kaihhruai UPA sorkara union minister for rural development a nih laia  National Rural Employment Guarantee Scheme (NREGS) duanna kawnga mi pawimawh tak a ni a,  'architect of the MNREGA scheme' tia sawi a ni fo ṭhin.  

June thla khan Covid-19 a kai tih hriat a ni a, Patna-a AIIMS-a enkawl dam a nih hnuah insawiselna dang a neih leh avangin New Delhi-a AIIMS-ah hruai a ni. Damdawi-ina a awm hnu, kar liamta Ningani khan RJD aṭanga a ban thu  hi a sawi. RJD hotu Lalu Prasad Yadav hnenah pawh ngaihdam dil nghalin, hun rei tak an party tan theihtawp a lo chhuah tawh a, mahse a awm zui zel thei lo tih a sawi. 

A tukah Bihar CM Nitish Kumar hnenah open letter thawn zui lehin, hei vang hian JD(U) a zawm tum nia ngaih a ni. Mahse Zirtawpni zan aṭang khan a dinhmun ṭha lo chhoin, ventilator hman tir ngaiin a awm zui a, nimin chawhma dar 11 khan a thi ta a ni.