GST Council-in 'Track and Trace Mechanism' pawm

GST Council meeting vawi 55na, neihah evasion-prone commodities bik tana 'Track and Trace Mechanism' kalpui tura rawtna chu pawm a ni. Hemi hmang hian ramchhunga dan loa sumdawnna huang hrang hrang ti chhe thei leh chhiah awlrukna awmte zawnchhuah hna kalpui a ni ang.

"He system hi Unique Identification Marking hmanga siam a ni ang a, chu chu bungrua thliarhran bik emaw, a package-ah emaw dah tur a ni. Hei hi supply chain pumpui langtlang tak kalpui a, awlsam taka chhuizui theihna tur a ni" tiin Finance Ministery chuan sawi.

Meeting-ah hian GST rate chungchangah thutlukna hrang hrang siam a ni bawk. Finance minister Nirmatha Sitharaman chuan an thutlukna siamte hi puangin, fortified rice kernel (FRK)-a GST rate chu 18% aṭangin 5% ah tih hniam a ni a, gene theraphy chu GST ngaihnathiam ani dwn bawk.

Council chuan general insurance company-te'n Motor Vehicles Act, 1988 section 164B hnuaia din Motor Vehicle Accident Fund a third-party motor vehicle premium an khawn aṭanga an thawhah GST lak loh a rel bawk. Fund hi hit and run case telin kawngpuia accident tuarte tana compensation/cashless treatment pekna atana siam a ni.

Motor hlui, Old and Used Vehicles hralhnaa GST lak chu 12% aṭangin 8% ah tih san a ni bawk a, hei hian Electric vehicles pawh a huam.