Himachal Pradesh-ah khaw vawt vangin Orange alert ti chhuak

Himachal Pradesh-ah hmun ṭhenkhatah vur leh ruah sur nasa tak a thlen theih thu sawiin, meteorological office chuan vawiin leh naktuk atan, December 27 atan mipui inralring tura hriattirin, orange alert a ti chhuak.

State chhunga hmun ṭhenkhat - Una, Hamirpur, Bilapsur leh Mandi ahte khaw vawt a zual dawn hriattirna an tih chhuahah hian tarlangin orange alert hi tih chhuah a ni a, hetih lai hian Chamba, Kangra leh Kullu ah te pawh December 25 thleng atan yellow alert an ti chhuak bawk.

Weather Department chuan Una, Mandi, Hamirpur, Chamba leh Sundernagar ah te chuan thli vawt tak a tleh tih sawiin, Kangra leh Bilaspur pawh chhumin a bawh nasa a, Palampur, Bhuntar, Kangra, Shimla leh Jubbarhatti ahte vur a tla nasa tih a sawi. Khaw vawt hian zual lam a pan chak hle tih a sawi bawk a ni.

Lahaul-a Tabo leh Spiti district-ah chuan zan lamah khaw vawh lam chu minus 14 degree Celsius a ni tawh a, Kukumseri-ah minus 7.8 degree Celsius, Samdho-ah minus 6.8, Kalpa-ah minus 3 leh Manali-ah minus 1 degree Celsius a ni tawh a ni.