ISRO-in van thengrenga nunna awm theih dan zirna tur duang

India chuan a vawikhatna leh a hmasa ber atan, ramchhunga siam rocket hmangin van thengrenga nunna awm theih dan tur zirchianna tur a duang. Polar Satellite Launch Vehicle (PSLV) a kah chhuah hmangin van thengrengah biological experiment pathum hi a kalpui dawn a ni. Hei hi hmalakna hautak tak tur a nih thu India Space Research Organization (ISRO) chuan a tarlang.

Lei aṭangin Spinach, Cowpea, leh gut bacteria te chu PSLV Orbital Experimental Module-4(POEM-4) hmang hian zirchianna neihna atan hian vanthengrengah kah chhuah an ni dawn a ni.

Zirchianna kalpui tur hi thil hautak leh harsa tak a nih dawn tih sawiin, bawm te reuhte chhung a nunna in thlak danglam dan leh a nghawng hrang hrang awm thei te zirchian vek a ngai dawn a, hei vang hian an thil zirchian te pawh hi a hrang ṭheuh a endikna hi neih a ṭul tur thu ISRO hian an tarlang bawk.

"Hetiang hmalakna hmasa berah hian ISRO hian India aṭangin live biological experiment-te hi van thengrengah a thawn dawn a ni. Astrobiology chungchangah zirchianna pawh kan nei thuai ang.Tunah chuan ISRO hian PSLV experimental platform hmangin zirchianna bul a ṭan dawn a, van thengrenga an dam khawchhuah theih dan kawng te chu Indian biologist-ten an chhui zui dawn a ni," tiin ISRO Chairman Dr S Somanath chuan a sawi.