LG hi Delhi sorkar thurawn anga awm tur a ni lo : HC

Delhi High Court chuan National Capital Territory-a Lieutenant Governor thuneihna chungchanga Delhi-a Aam Aadmi Party (AAP) sorkarin petition a thehluh chu hnawlin, Lt Govenror chu NCT-a roreltu lu ber a ni, a ti.

HC chuan Delhi sorkarin LC chu Delhi council of minister thurawn anga awm leh rorel tur nia a sawi chu pawm theih a nih lo tih a sawi.

Delhi-a thuneitu leh roreltu zawk nih inchuhin Delhi sorkar leh sorkar laipui hi an innawr fo a, Delhi sorkar chuan Lt Governor chu central-a BJP duhdan anga rorelah a puh. Hei bakah hian thuneitu pahnih, LG leh chief minister an awm thei lo niin a sawi bawk.

LG leh Delhi sorkar inkara thuneitu zawk inchuhna awm avang hian AAP chuan nikum May thla khan High Court-ah petition pakua a lo theh≠lut tawh a, hei hi Chief Justice kaihhruai bench-in a ngaihtuah a ni. Petition ngaihtuah a nih lai hian sorkar laipui chuan Delhi chu state puitling a nih loh avangin sorkar laipui thuneihna hnuaia awm a ni, a ti.