SAARC meet-ah Rajnath Singh-a'n thu a sawi

Pakistan khawpui, Islamabad-ah nimin khan SAARC Home Minister Conference
ṭan a ni a, Home Minister Rajnath Singh chuan thu sawiin firfiaka chetna thleng ṭhinah, a ṭha leh chhia thliarhran tur a awm lo tih a sawi.

Rajnath Singh chuan Kashmir-a security force-ten an kahhlum, Hizbul Mujahideen commander Burhan Wani chungchang Pakistan-in martar nia a sawi chu sawichhuakin, "Firfiakte hi martar anga chawimawi tur an ni lo" a ti. Firfiakte chetna thlawptute laka action na taka la turin member ramte a sawm bawk.

SAARC meet hmanga Rajnath Singh zin tur hi Pakistan-a pawl hrang hrangten duh lohna an lo lantir a, hei bakah hian an rama a luh phalsak lo turin Pakistan sorkar an nawr bawk. Nimina conference-a Singh-an thu a sawi lai pawh hian media lamin an cover phalsak a ni lo bawk a ni.