NITI-Aayog in PM hnenah rawtna a thehhlut

NITI Aayog vice chairman Arvind Panagariya leh CEO Sindhushree Khullar-te chuan kar kalta Inrinni khan Prime Minister Narendra Modi hmuin, rawtna an neihte an thlen.

PM hnena rawtna an thlenah hian NITI-Aayog chuan Centrally Sponspored Schemes (CSS) tihtlem a rawt.

CSS kalpui dan tur chungchang hi Madhya Pradesh Chief Minister Shivraj Singh Chouhan-a kaihhruaina hnuaiah buaipui mek a ni a, May 28 khan Bhopal-ah sub-group panel in a lo sawiho tawh bawk a ni. Sub-group-ah hian Rajasthan Chief Minister Vasundhara Raje, Nagaland Chief Minister T R Zeliang, Kerala Chief Minister Ommen Chandy, Arunachal Pradesh Chief Minister Nabam Tuki, Telangana Chief Minister K Chandrashekhar Rao, Jharkhand Chief Minister Raghubar Das, Andaman and Nicobar Lieutenant Governor A K Singh-te an tel.

Tunah hian CSS hi 72 kalpui mek a ni a, NDA sorkar hian UPA sorkarin a lo siamsa a chhunzawm bakah scheme thar paruk a siam belh.

UPA sorkar lai khan CSS hi 147 aṭangin 66-a tihtlem a lo ni tawh a ni.