Rahul-a'n Chhattisgarh-ah loneitute a hmu

Congress vice presi­dent Rahul Gandhi chuan nimin khan ni hnih cham turin Chhattisgarh a tlawh a, Korba-ah loneitute hmuin an harsatna tawhte a ngaihthlaksak.

Vawiinah Rahul Gan­dhi hian Janggir-Champa district-a Saradih khua aṭangin Dabhra thleng ke-in a kal dawn a, a thui zawng hi kilometer 10 vel a ni. Congress hruaitu hi loneitute bakah party hruaitu leh worker-te'n an ṭawimawm ang.

Nimina Korba-a thu a sawiah, Rahul Gan­dhi chuan Prime Mi­nis­ter Narendra Modi chu sawiselin, mipuite hnenah thu tam tak a tiam­sak a, mahse tun thlengin tribal-te tan engmah tihsak a la nei lo a ni, a ti. BJP kaihhruai NDA sorkar-ah chuan tribal te aw hriatsak an ni ve lo a ni, a ti.

NDA sorkarin land bill siam danglam a tumna chu sawiselin, Rahul Gandhi chuan sorkar laipuiin loneitu rethei zawkte ram chu mi hausate tana laksak a tum a ni, a ti. Loneitute chuan an ram laksak an nih dawn chuan an ngaihdan leh duhdante chu an sawi ve thei tur a ni, tiin a sawi.