ED-in DMK MP Kathir Anand nena in zawm hmun 5 an dap

Enforcement Directorate (ED) chuan nimin khan DMK hruaitu leh Member of Parliament Kathir Anand nena inzawmna nei hmun panga chu chhiah awlrua puh a nih kaihhnawihah an dap.

Kathir Anand hi DMK hruaitu senior leh Tamil Nadu Chief Minister MK Stalin cabinet-a second-in-command S Duraimurugan fapa a ni a, Vellore Lok Sabha MP a ni.

ED hian kum 2023 July thla khan sum tihchingpen thubuaiah DMK hruaitu leh Tamil Nadu Forest Minister K Ponmudy leh a fapa Gautham Sigamani-te chenna hmun an dap tawh a, an party hruaitute laka thil thlengte hi DMK chuan politics lama phuba lakna niin an sawi.

Kum 2019-a Income Tax-in Anand nena inzawmna nei hmun hrang hrangah pawisa fai, Rs vbc 11.48 an man avanga chhiah awlrua an puhna behchhanin ED hian hma an la a ni. Kum 2019 April thla khan IT official-te chuan Anand thawhpui hnai ak, DMK hruaitu dang pahnih kut aṭanin pawisa fai hi an man a, hei hi Lok Sabha inthlan neih tura vote leina atana an sem tur nia sawi a ni. Hei vang Anand leh a thurualpui nia sawite lakah hian election account officer chuan thubuai an ziak lut a ni. Sum fai tam tam tak man a nih avangin, Election Commission thurawn angin President chuan Vellore parliamentary constituency-a April, 2019-a inthlan neih tur pawh a cancel phah bawk. Hemi kum vek August 5-ah inthlan hi neih niin, Anand hi vote 8,141 in a chak a, kum 2024 inthlanpuiah khan hneh taka thlan tlin a nei leh bawk.