J&K hnenah state nihna pek let leh ngei beisei a ni : CM Omar Abdullah

Jammu and Kashmir chief minister Omar Abdullah chuan sorkar laipui chuan a thutiam anga Jammu and Kashmir state nihna chu a pek leh thuai an beisei thu a sawi.

Ningania Srinagar-a press conference a neihah, CM Abdullah chuan J&K-a thuneihna an channa chu thla hnih a ni ta a, Union Territory anga hna thawh dan pawh hrethiam turin hun a duh thu a sawi. Sorkar hmasa leh tuna sorkar mek hnathawh dan pawh a danglam hle tih sawiin, Union Territory an nihna chu hun rei lote atan a nih a beisei thu a sawi. Inthlan an neih takah an tel ṭhat avangin Jammu and Kashmir mipuite chuan eng emaw tak an dawn let ve ngei a ngai tih a sawi bawk.

"Sorkar laipuiin mipuite hnena a thutiam pawimawh zingah state nihna pek let leh a tel. Hei hi rei rial loa an tih puitlin thuai kan beisei," tiin Omar chuan a sawi a ni. PrimeMinister leh Home Minister pawhin state nihna pek let an nih tur thu hi sawinawnin, an tiam tih a sawi bawk a ni.