Sorkarin International student tan special category visa 2 tlangzarh

Sorkar laipui chuan ram chhunga academic institution hrang hranga zirna sang zawk zir tum,international student tan special caterogy visa pahnih, ‘E-student visa’ leh ‘e-student-x’ a tlangzarh.

E-student visa facility hi 'Study in India', SII portal-a inziak lut foreign students eligible-te'n an hmang thei dawn a, e-student-x visa chu e-student visa neitute hnenah pek a nih tur thu an sawi. Zirlaite hian portal-ah a hranin visa an dil a ngai dawn a, an dilna chu SII ID hmangin enfiah a ni ang.

E-student visa hi ramdang mi, India rama zir tura admission hmu leh zirna institute-a zirna, regular, full-time, under graduate, post graduation, PhD leh hetiang formal program dang zir duhte tan pek a ni ang. Sudent visa hi kum nga thleng pek theih a ni a, hei hi course hun chhung a zira pek niin pawhsei theih a ni bawk. E-student visa dik tak neitute chuan immigration check post duhna port aṭangin India ramah an lut thei bawk niin official-te chuan an sawi.

SII hi Ministry of Education flagship project a ni a, a partner institute 600+ kaltlangin course 8, 000 chuangah zirna a awm, heng zingah hian engineering, management, agriculture, sciences, arts, humanities, law, paramedical sciences (including pharmacy and nursing) bakah specialised field, Buddist Studies leh Yoga te pawh a awm a ni. Heng progrmame hrang hrang hi undergraduate, postgraduate, doctoral, leh certification level te thlengin a awm a ni.