Gujarat-a Coast Guard chopper tlaah mi 3 an thi

Gujarat-a Porbandar-ah nimin chhun dar 12.10 vel khan Indian Coast Guard chopper, Advanced Light Helicopter (ALH) a tla a, mi pathum an thi. Chopper hi a tlak hnuah a kang zui a ni.

ALH Druv hi leilet hmunah tlain, a chetsualna chhan hi hriat a la ni lo a, chhui zui nghal a ni. Druv chopper hi an tih dan phung pangngaia thlawk kual niin, a chetsualna lai hi Indian Coast Guard Air Enclave a ni. Crew member pathumte hi Bhavsinhji Civil Hospital lamah hruai nghal an ni a, mahse an hliam tuar loin an pathum hian an boral a ni.

Kum 2024 September thla khan Arabian Sea-ah ALH MK-III helicopter lo tla tawh bawkin, crew member pathum chin hriat lohin an awm. Mi pahnih ruang chu hmuh nghal niin, a pilot Rakesh Kumar Rana ruang chu thla khat hnu, October thla khan Gujarat tuipuiah Coast Guard-ten an hmu a ni.

Indian Navy, IAF, Army leh Coast Guard-te hian ALH Druv helicopter hi 325 chuang an nei mek a, kum 2023-a chetsualna an tawh fo hnuah helicopter te hi an vaiin an khawlte enfiah vek an lo ni tawh bawk.