Union Minister in agriculture, allied sector hmasawnna a pung dawn tih sawi

Union agriculture minister Shivraj Singh Chouhan chuan Zirtawpni January 4, 2025 khan a Ministry-in scheme hrang hrang a kalpui mekte virtual review meeting neih a kaihruai a, kuminah agriculture leh a kaihhnawih sector-te ṭhanna, tur chu 3.5% atanga 4% inkar a nih a rinawm thu a sawi. Meeting-ah hian state leh Union Territory-a agriculture minister-te an tel a ni.

“Kum tharah hian thutlukna thar nen agriculture hmasawnna leh loneitute hamthatna hna chu chak takin kan kalpui dawn a ni,” tiin Chouhan chuan a sawi. Prime minister Narendra Modi kaihhruaina hnuaiah loneitute hamṭhatna tur leh hmasawnna tur kawng ruk awmna duan a ni tiin, thil siam chhuah tih pun, sum senso tih tlem, sum lak luh tih pun, thlaichi hrang hrang dan anga kalpui a nih theih nana ngaihven a,natural farming tih hmasawn te tum a nihthu a sawi.

Union Agriculture Ministry-in scheme a kalpui hrang hrang, PM Kisan Samman Nidhi, PM Crop Insurance Scheme, Minimum Support Price scheme, Agri Infra Fund, leh an hnuaia hmasawnna awmte tarlangin, Chouhan chuan hmasawnna a awm chhunzawm zel dawn a, chumi atan chuan theihtawp an chhuah reng tih a sawi a ni.

Loneituten an thlai leh thei tharchhuah an hralh chhuahna leh, khawpuia consumer-ten an lo leina man a lo san leh viau si chungchangah, a man inthlauhna sang tak tih ziaawm a nih theih dan turah state agriculture minister te pawh an ngaihtuahnate senga, rawtna te thehlut turin union minister chuan a ngen.