IAF thlawhtheihna a tla

Indian Air Force (IAF) thlawhthehna, jaguar fighter chu nimin zing khan Allahabad-a Naini bialah a tla. Pilot pahnihte chu him takin an inkhawh chhuak hman a, nunna chan an awm lo.

Defence lam thuchhuah chuan thlawhtheihna chesual hi Jaguar trainer version a nih thu tarlangin, tihdan phung pangngaiin zing dar 7.30 khan Baramraulli base aṭangin a thlawk chhuak a, dar 8.45-ah Bamrauli aṭanga kilometre 18 vela hla, FCI godown awmna bul, ram ruakah a tla tih a sawi.

Mita hmutute chuan thlawhtheihna hi mihring chenna biala a tlak lohna turin pilot-te hian an theihtawp an chhuah nia a lan thu an sawi a, hei hi ni lo se chhiatna rapthlak tak a thlen an rin thu an tarlang. Defence lam chuan thlawhtheihna chetsual dan chhuichiangtu tur din nghal a tum.