Taj Mahal tlawhtute tan a thlawnin Wi-Fi

World Heritage site, Taj Mahal tlawhtute tan a thlawna hman theih tur Wi-Fi pek chhuah a ni dawn.

Bharat Sanchar Nigam Limited (BSNL) chuan he hmalakna hi a kalpui dawn a ni. Sorkar chuan Digital India Program a kalpui mekna peng pakhat atan, mi maktaduai khat chuang awmna khawpui lian hrang hrang leh, tourist centre-ahte a thlawna wi-fi pek chhuah tumin hma a la mek a ni.

Hetihlai hian Archaelogolical Survey of India chuan security leh thil dang venthawn thilah, Taj Mahal main gate aṭanga meter 30 bialah chauh Wi-Fi pekchhuah hi a phalsak.

Taj Mahal-a Wi-Fi pekchhuah tur hi a hlawhtling a nih chuan, BSNL chuan Fatehpur Sikri-ah pawh pek chhunzawm a tum.

Khawvel hmun hrang hranga mi tam takin Taj Mahal hi an tlawh a, kum 2014 khan tlawhtu mi nuai 60.72 an awm.