Junior Doctor a thawhpuiin hostel-ah pawngsual

Madhya Pradesh-a Gwalior khawpuia sorkar enkawl,medical college-a hostel rauhsan tawhah kum 25 mi junior doctor pakhat chu a thawhpuiin a pawngsual niin police-te chuan an sawi.

He pawikhawihna hi Pathiannia thleng kha a ni a, pawikhawhtua puh pawh hi kum 25 mi niin, man a ni tawh bawk. Pawikhawihna tawktu hi exam tura kal a ni a, Gajraraja Medical College-a girls’ hostel-ah a riak niin City Superintendent of Police Ashok Jadon chuan a sawi. Pawngsualtu nen hian lehkha zir dun niin, mipa hostel rauhsan tawhah inhmu turin a ko a, mihring awm lohna hmun an thlen hian vauin a pawngsual ta niin a sawi. Kampu police station-ah complaint thehlutin, a mipa pawh hi manin thubuai siamsak nghal a ni.