'One nation, one election' : Parliamentary panel-in meeting hmasa ber nei

Indian ram puma inthlan hun khat neihna tur, 'one nation, one election' kalpui a nih dan tur chungchang ngaihtuah tura din, parliamentary panel chuan nimin khan Delhi-ah meeting hmasa ber an nei.

Nimina meeting-ah hian ram puma a ruala inthlan neih a nih theihna tura bill pahnih an duan, Constitution (129th Amendment) Bill leh Union Territories Laws (Amendment) Bill an ngaihtuah a ni.

Ministry of Law and Justice official-te chuan chuan panel member te hi dan siam thara rawtna tarlan hrang hrangte an hrilhfiah a ni. Panel member ah hian party hrang hrang aiawh MP 39 te awm in BJP MP PP Chaudhary, Minister of State for Law hlui ni bawk kaihhruai na hnuaiah joint committee hi din a ni. Party lian Congress aiawhin Priyanka Gandhi Vadra a tel a, JD(U) aiawhin Sanjay Jha, Shiv Sena aṭangin Shrikant Sinde, AAP aṭangin Sanjay Singh leh Trinamool Congress aṭangin Kalyan Banerjee a tel.

Sorkar laipui chuan Committee tha tih chakna tur atan hian member awm thei 31 aṭangin 39 ah a ti pung a, Lok Sabha aṭangin member 27 leh Rajya Sabha aṭangin member 12 an tel. Hei hi party tam zawkin he rawtna siam chungchanga an party ngaihdan leh duhdan te an tarlan ve theihna tur atana duan a ni. Member-ah hian union minister hlui Anurag Thakur pawh telin a ni bakah hian dan siamtu eng emaw zat an tel bawk.