JuD thupuangtu kum 15 tang turin hrem

Pakistan-a Anti-Terrorism Court (ATC) chuan 26/11 Mumai beihnaa bultumtu ber Hafiz Saeed-te pawl Jammat-ud-Dawah (JuD) thupuangtu Yahya Mujahid chu  terror financing case vangin kum 15 tan-ina tang turin an hrem. 

Mujahid bakah hian ATC Lahore chuan JuD' senior leader Zafar Iqbal chu kum 15 tang turin a ti bawk a, JuD chief Hafiz Saeed-a makpa  Prof Hafiz Abdul Rehman Makki chu thla ruk tang turin an ti bawk. Hemi chungchang thupek hi Nilaini khan court chuan a tichhuak a ni. 

ATC hian thla hmasa khan terror financing case pahnih vangin Mujahid hi kum 32 tang turin a lo ti tawh bawk a, Iqbal pawh hi thubuai pathum vangin kum 26 tang turin an lo ti tawh bawk. ATC Judge Ijaz Ahmad Buttar chuan thiam loh an chan thu leh an hremna tur chungchang hi puang chhuakin a puan lai hian thiam loh changte pawh hi court-ah an awm ve a ni. 

Punjab police-a Counter Terrorism Department (CTD)chuan JuD hruaitute lakah hian FIR 41 zet a lo ziak lut tawh. Saeed-a kaihhruai JuD hi kum 2008-a Pakistan firfiakten Mumbai khawpui an beihnaa mawhphurtu berah puh an ni. 26/11-a firfiakte pawikhawihna thlenah hian mi 166 an thi a, an zingah hian America mi paruk an tel. Kum 2012 khan US chuan Saeed hi Specially Designated Global Terrorist-ah a puang tawh a, a lum maah US dollar maktaduai 10 a phal a ni.