R-Day khuallian atan Britain PM sawm

Sorkar laipuiin official-in la puang lo  mah se, nakkum January 26-a India Republic Day lawmna tura khuallian turin Britain prime minister Boris Johnson a sawm nia tarlan a ni. 

Kum dangah chuan Republic Day lawmna tura tel tura sawmte hi November thla tawpah chuan tihfel a ni tawh ṭhin. Mahse kuminah erawh Covid-19 hri leng avangin November 27 khan prime minister Narendra Modi chuan Boris Johnson hi telephone-a biain, R-Day khuallian tur hian a sawm chauh a ni.  Johnson hian Modi hi nakkuma UK-a G-7 summit neihnaa tel turin a lo sawm ve bawk. 

UK-ah hripui lengin zual lam a la pan zel avangin Britain PM tan hian ram pawn lama zinchhuah a thei dawn em tih hriatchian a la ni lo. India  sawmna hi a tihhlawhtling thei a nih chuan Republic Day lawmnaa khuallian atana UK ram hruaitu hman a nih ṭum rukna tur a ni ang. 

Kum 1993 khan John Mayor chu khuallian a lo ni tawh a, ani bakah hian British lal chhungkua aṭangin kum 1959-ah Prince Phillip leh 1961-ah Queen Elizabeth II, kum 1956-ah Chancellor of exchequer Rap Butler leh 1964-ah Chief of Defence Staff Lord Louis Mounbatten te chu khuallian an lo ni tawh.