Gujarat High Court thuchhuak SC-in a stay
Supreme Court chuan nimin khan Gujarat High Court-in hmai tuam loa khawlaia chhuakte hremna atana Covid care centre-a hna thawh tir tura a tih chu a stay sak.
Justice Ashok Bhushan, R Subash Reddy leh MR Shah-te awmna bench chuan Gujarat high court thutlukna chu a na mah mah a, hriselna atana hlauhawm thei a nih thu sawiin Gujarat-a Covid-19 guideline ngaihthah a nih chu an lawm loh thu an tarlang bawk.
Top Court chuan state additional chief secretary (home) chu sorkar laipuiin inkaihhruaina dan a siamte hman ngei a ni tih tichiang tura tiin Gujarat thuneitute chu hmai tuam leh social distancing ṭha taka zawm a ni tih uluk taka enfiah turin an ti bawk.
Public hmuna hmai tuam lote chuan midang fundamental right (right to life and health) an bawhchhia tih sawiin Gujarat HC thutlukna chu an stay a ni. Supreme Court chuan ram chhung hmun hrang hrangah mipuiten sorkarin hri leng laka invenna tur kaihhruaina a siam, a bikin hmai tuamna hman tur leh social distancing dan a siamte bawhchhiat a ni fo chu a ngaimawhawm thu a sawi bawk. Heng kaihhruaina siamte hi khauh zawka kenkawh a nih theih dan tur sorkar laipui aiawha ding chu a zawt a ni.