J&K hnenah Rs vbch 2,347 pe dawn

Sorkar laipui chuan Jammu and Kashmir-a tuilianin thil a tihchhiatte chhawmdawl leh din thar lehna turin cheng vaibelchhe 2,347 a pe dawn.

Union Finance Minister Arun Jaitley leh Home Minister Rajnath Singh chuan Thawhlehni khan New Delh-ah joint press conference an nei a, hetah hian J&K ṭanpuina tur hian nikum khan sorkar laipui chuan cheng vaibelchhe 2,602 a pek tawh thu an sawi.

Jaitley chuan, "Nikum khan chhawmdawl hna thawhna atan cheng vaibelchhe 2,602 pek chhuah a ni tawh a, hemi bakah kuminah cheng vaibelchhe 2,347 pek leh a ni ang," a ti.

Finance Minister chuan NITI Aayog-a Chief Executive Officer leh Expenditure Secretary-te'n J&K hi tlawhin, a mamawh hrang hrangte an enfiah dawn tih a sawi bawk.

Nikuma J&K in tuilian rapthlak tak a tawrh ṭum khan chenna in 75,000 vel a chhia a ni. Tuilian tuarte ṭanpuina tur hian Prime Minister Relief Fund hnuaiah cheng vaibelchhe 770 pek a ni a, State Disaster Relief Fund leh National Disaster Relief Fund aṭangin cheng vaibelchhe 1,602 pek a ni tawh bawk. Hei bakah hian Prime Minister Narendra Modi-a'n state a tlawh ṭum khan special project hnuaiah cheng vaibelchhe 1,000 pek a nih tur thu a puang bawk.