West Bengal CM-in farm law sut turin phut

West Bengal chief minister leh Trinamool Congress hotu, Mamata Banerjee chuan sorkar laipuiin farm law a siam duh lohna lantira Delh-a nawrh huaihawt mek, lonei­tute chu a thlawp thu sawiin, he dan siam thar hi sut leh  nghal turin sorkar a phut. 

Banerjee chuan, "Sorkar laipui chuan loneituten an duh loh he dan siam thar hi a sut leh tur a ni. A sut lo a nih chuan kan state leh ram pumah nawrh kan huaihawt ve leh ang. A tir aṭangin farm law siam tur hi kan party chuan na takin kan dodal sa tawh a ni," a ti. Vawiin hian party meeting koin, he dan siamin mipuite a nghawng dan te, thil man a to phah dante an sawiho tur thu a tarlang. 

Farm law duh lohna lantir hian Delhi border-ah loneitu tam tham takin nawrh an la huaihawt chhunzawm zel a ni.