India ramah hripui kai nuai 48 chuang an awm tawh

India ramah Pathianni khan hri kai hmuh chhuah thar sing kua chuang an awm leh tih nimina sorkar report tihchhuah chuan a tarlang a, a zawnin ni nga chhung hri kai hmuh chhuah thar sing kua an awm tling tawh a ni.

Ministry of Health and Family Welfare-in nimina report an tihchhuahah chuan hri kai hmuh chhuah thar 92,071 lai an awm leh a, ramchhung hmun hrang hrangah hri kai hmuh chhuah 48,46,427 an awm tawh. Darkar 24 chhungin dama puan mi 77,512  an awm leh bawk a, hei nen hri kai zinga mi 37,80,107 chu an dam leh tawh bawk.

Pathianni khan mi 1,136 in hripui an thihpui leh a, hri len ṭantirh aṭanga nimin report tihchhuah thleng hian mi 79,722 chuan hripui hi an thihpui tawh a; 9,86,598-in hri an la kai mek a ni.

Sorkar chuan enkawl dam rate hi 78% a tling tawh niin nimin khan an sawi a, hri kai mek rate hi 20.36 % niin thihpui rate chu 1.64% a ni thung.

Indian Council of Medical Research (ICMR) chuan nimin khan sample 9,78,500 an endik leh tih an tarlang a, hri len ṭan tirh aṭanga nimina report tihchhuah thleng khan sample 5,72,39,428 zet an endik tawh.

ICMR hian sample endikna tura laboratory pawmpui 1,717 a nei tawh a, heng zinga  1,049 hi sorkar laboratory niin 668 chu private laboratory a ni thung.

Government laboratory    :   1049

Private laboratory    :   668

Real-Time RT PCR hmann    :   872 (Govt: 471 + Private: 401)

TrueNat hmanna    :   723 (Govt: 544 + Private: 179)

CBNAAT hmanna    :   122 (Govt: 34 + Private: 88)

Total No. of Labs    :   1717

Maharashtra chu India ram state/ UT zinga hri kai tamna ber la ni chhunzawm zelin hri kai an tam fal hle a, nimin report tihchhuah thleng khan mi 10,60,308-in hri an kai tawh a, heng zinga 7,40,061 chu an dam leh tawh a, mi 29,531 chuan thihpuiin mi 2,90,716 chuan an la kai mek.

Andhra Pradesh leh Tamil Nadu-ah hri kai nuai nga chuang an awm tawh a, Karnataka-ah nuai li chuang awmin Uttar Pradesh-ah nuai thum chuang an awm bawk a, Delhi leh West Bengal-ah nuai hnih chuang an awm tawh bawk.

Telangana, Bihar, Odisha, Assam, Gujarat, Kerala leh Rajasathan-ahte chuan hri kai nuai chuang an awm tling tawh bawk a, mahse heng state/ UT-ahte hian hri kai tam ber chu an dam leh tawh a ni.