UP sorkarin Covid-19 test rate Rs 1,600-ah tihniam

Uttar Pradesh sorkar chuan an state chhunga Covid-19 test rate chu Rs 1,600-ah a tihniam a, hei hi sorkar laboratory bakah private laboratory pawhin an zawm vek tur tih a ni. 

April thlaa state sorkarin RT-PCR test man Rs 2,500-a lo bithliah tawh chu ennawn a nih  hnuah Rs 1,600-ah tihniamin, state pumah hman nghal a nih thu state health department chuan a tarlang. Test man tihhniam chhan hi RT-PCR test kit leh reagent hman man a tlawm tak vang a ni tih a sawi. TrueNat khawl hmanga Covid-19 test man pawh Rs 1,600-ah bihthliah a ni bawk. Sorkarin a man a bihthliah aia toa test man late chu Epidemic Act  hnuaiah hrem theih an ni. 

Health official-te chuan test man tihtlawm a nihna chhan mi tam zawkin test an neih theihna tur atan a nih thu sawiin, hei hi hri darh zel tur venna atana thil pawimawh tak a nih thu an sawi.