President-in mi 27 hnenah Pravasi Bharatiya Samman Awards 2025 hlan

President Droupadi Murmu chuan nimin khan Bhubhaneswar-ah Pravasi Bharatiya Samman Awards 2025 chu mi 27 hnenah a hlan.

Sorkar laipui flagship event, Pravasi Bharatiya Divas Convention vawi 18-na hi January 8 - 10, 2025 chhungin Odisha khawpui Bhubaneswar-ah neih a ni. He event hi sorkar laipui leh Odisha sorkarin an huaihat a ni a, kumina Convention thupui atan 'Diapsora's Contribution to a Viskhit Bharat' tih a ni. President hian Ningani khan Odisha hi thlengin, valedictory session-ah award hi a hlan a ni.

Kumina chawimawina dawngtu zingah hian diaspora, kawng hrang hranga hlawhtlinna langsar neite an tel. UK aṭangin Baroness Usha Kumari Prashar chu politics lama a thawhhlawk avangin leh US aṭangin Dr. Sharmila Ford te chu khawtlang rawngbawlna lama a thawh ṭhat avangin chawimawina hlan zingah hian an tel.

Pravasi Bharatiya Samman Award (PBSA) hi India President-in ram pawna India mi awmte hnenah chawimawina a hlan sang ber niin,PBD Convention-a tel atanga hlan thin a ni . Non-Resident Indians (NRIs), Persons of Indian Origin (PIOs), emaw NRI emaw PIO-te din leh enkawl pawl/institution-te chu India ram leh ram pawn lama an hlawhtlinna danglam tak takte hriatpuina atan a hlan thin a ni.

Bhubhaneswar-a PBD Convention-ah hian ram hrang 50 chuang aṭangin diaspora member-te an tel.