Sri Lanka-in sangha mantu 10 an manah inrawlh turin EAM ngen

Tamil Nadu chief minister MK Stalin chuan Sri Lanka Navy in India mi sangha mantu 10 an man thu leh, heng mite hi chhuah an nih theihna atana inrawlh turin external affairs minister S Jaishankar a ngen.

Stalin hian S Jaishankar hnenah lehkha thawnin, January 8, 2025 khan India sangha mantu 10 chu an Karaikal (Puducherry union territory)-ah an sangha manna lawng nen man an nih thu a sawi. An mi man 10 zinga paruk chu Tamil Nadu mi an nih thu a sawi lang bawk. Sangha mantute hi an eizawnna atan sangha man chauh an innghahna a ni a, Sri Lanka Navy-in an man na hian an chhungte tan harsatna nasa tak a thlen dawn a niin lehkhathawnah hian a tarlang. "Tun dinhmunah hian sangha mantu 102 leh sangha mantu lawng 210 chu Sri Lanka thuneitute kutah an la awm. Sangha mantu man zawng zawngte chu an sangha manna lawngte nen chhuah vat an nih theih nan kawng remchang hmanga inbiakna hmanga bul ṭan turin ka ngen che a ni," tiin a ziak.